Yovvoyi tabiat jamg‘armasi brakonerlikda gumonlanganlarga nisbatan zo‘ravonlik ishlatganligi ma’lum bo‘ldi

BuzzFeed jurnalistlari eng yirik xayriya tashkilotlaridan birining ishi bo‘yicha tergov o‘tkazdi, deya xabar beradi ForumDaily.

Nashr Nepal, Kamerun, Markaziy Afrika Respublikasi va Hindistonda surishtiruv o‘tkazib, tashkilotning maxfiy hujjatlarini olishga muvaffaq bo‘lgan.

Tergov ma’lumotlariga ko‘ra, WWF ushbu mamlakatlarda maxsus harbiy qismlarni moliyalashtirgan: ularga ish haqi to‘langan, o‘qitilgan, ular uchun pichoqlar, tunda ko‘rish uchun ko‘zoynaklar va reydlar uchun uskunalar sotib olingan. Ular esa o‘z o‘rnida brakonerlikda gumon qilingan qishloq aholisini zo‘rlangan, otgan va o‘ldirgan.

Tergov natijalariga ko‘ra, fuqarolar urushining kuchayishi paytida Afrikada WWF xodimlari brakonerlikka qarshi kurashish uchun jalb qilingan harbiylar uchun oziq-ovqat va yoqilg‘i sotib olgan.

Guardian nashriga ko‘ra, WWF “informatorlar” tarmog‘ini tashkil qilib, moliyalashtirish va boshqarish bo‘yicha “global josus” sifatida harakat qilgan.

WWF Kingsley Napley yuridik firmasiga ayblovlarni ko‘rib chiqishni topshirgan. Tashkilot vakilining bildirishicha, tashkilot missiyasining asosida inson huquqlarini hurmat qilishi va inson huquqlari bo‘yicha mutaxassislarining BuzzFeed tergovi ayblovlarini mustaqil ravishda tekshirishini ta’kidlagan.