Қарши шаҳридаги Мулла Тўйчи Тошмуҳаммедов номли вилоят мусиқали драма театрида 8 март Халқаро хотин-қизлар куни муносабати билан байрам кечаси ташкил этилди. «Дарё» мухбирининг маълум қилишича, тадбирда вилоят ҳокими Зафар Рўзиев жамият ҳаётида фаол бўлган хотин-қизларнинг 500 нафарига ноутбук совға қилинганлигини таъкидлади.
«Байрам баҳона вилоят ҳаётидаги фаоллиги учун ушбу тадбирга чақирилган 500 нафар фаол хотин-қизларга замонавий ноутбук ва вилоятимизнинг кўзга кўринган ёзувчиси Абдураҳим Эркаев муаллифлигидаги китоб ҳам совға қилдик, — дейди Зафар Рўзиев.– Аёлларга китоб совға қилишимиз бежизга эмас, боиси фарзандларимиз тарбиясида асосан аёллар муҳим ўрин тутади. Шундай экан, оналаримизнинг ўзи биринчи галда маънавияти юксак инсон бўлиши керак».
Концерт сўнгида тадбир иштирокчиларидан иборат 500 нафар аёл шаҳар марказидаги «Ватанпарварлар» боғида ҳам бўлди.
Изоҳ (0)