Давлат статистика қўмитаси эълон қилган 2019 йилнинг февраль ойида Ўзбекистон Республикаси истеъмол секторидаги инфляция даражаси ҳақидаги маълумотда мамлакатда ноозиқ-овқат маҳсулотлари 1,5 фоизга қимматлашгани қайд этилган, деб ёзади ЎзА.
Нархлари қимматлашган ноозиқ-овқат маҳсулотлари:
• Алоқа воситалари – 9,5 фоиз;
• маданий моллар – 5,9 фоиз;
• асосий турдаги маиший товарлар ва электр ускуналар – 5,8 фоиз;
• ювиш ва тозалаш воситалари – 5,7 фоиз;
• автомобиллар учун эҳтиёт қисмлар – 2,9 фоиз;
• ошхона жиҳозлари – 2,2 фоиз;
• маиший тўқимачилик маҳсулотлари – 2,1 фоиз;
• кийим-кечаклар –1,4 фоиз;
• оёқ кийим – 1,0 фоиз.
Ой давомида автомобиллар учун ёқилғи нархлари ўрта ҳисобда 0,1 фоизга арзонлашди. Бензин ва метан нархларнинг барқарор сақланиши баробарида пропан нархлари 1,0 фоизга арзонлашди.
Ой давомида йўловчи ташиш транспорти хизматлари нархлари ўртача 0,2 фоизга ошган.
2019 йилнинг январь февраль ойлари давомида дам олиш хизматлари (6,1 фоиз), 2018 йилнинг февраль ойига нисбатан эса уй-жой коммунал соҳаси хизматлари (24,9 фоиз) нархлари сезиларли даражада қимматлашган.
Изоҳ (0)