ОАВ: Ҳиндистон ва Покистон урушида 32 та самолёт қатнашди

Ҳиндистон ва Покистон ўртасидаги ҳаво жангида 32 самолёт иштирок этди. Бу ҳақда «Корреспондент.net» хабар берди.

Хабарда айтилишича, Покистон жангда Америкада ишлаб чиқарилган F-16 русумли саккизта қирувчи самолёт,  Франциянинг тўртта Mirage-3 самолёти, яна тўртта JF-17 Thunder русумли Хитой-Покистон қирувчи самолётларидан фойдаланган. Қолган саккизтаси эскорт қирувчи самолёт бўлган. Ҳиндистон эса тўртта Су-30МКИ, иккита Mirage 2000 ва иккита МиГ-21 русумли жами саккизта самолётни жангга қўйган.

Ҳинд ҳаво кучлари Покистон авиациясини Кашмирнинг Ҳиндистон назоратидаги ҳудудига аниқ зарбалар беришига тўсқинлик қила олган.

Хабарга кўра, Покистон иккита ҳинд қирувчи самолётини уриб туширганини эълон қилган. Ҳиндистондан эса битта ҳинд самолёти, битта покистонликларнинг самолёти уриб туширлган дея эълон қилинган.

Шундан кейин Ҳиндистон армия ва чегарачиларни жанговар тайёргарликка ҳозирлаган. Покистон эса ҳаво ҳудудини ёпиб олган.

Покистон ва Ҳиндистон ўртасидаги танглик 14 февраль куни Кашмирда амалга оширилган террор ҳужумидан кейин юзага келган. Унда 44 нафар ҳинд ҳарбийси ҳалок бўлган.