Ўзбекистоннинг соф олтин-валюта захиралари ҳажми 1 февраль ҳолатига 26,6 миллиард долларни ташкил этди. Январь ойида 206 миллион доллар ўсиш қайд этилган. Бу ҳақда Марказий банк матбуот хизмати хабар бермоқда.
Ялпи олтин-валюта захиралари январь ойи якунларига кўра, 27,22 миллиард долларни ташкил этиб, шундан валюта активлари — 12,64 миллиард доллар (+203 миллион доллар бир ой давомида), монетар олтин — 14,58 миллиард доллар (-62 миллион доллар бир ой ичида).
Марказий банк январь ойида олтин-валюта захираларининг ошишини қисман олтин нархининг 1 281,65 дан 1 322,50 долл/тр.унсияга ошиши билан изоҳлайди. Нархнинг олтин-валюта захираларининг ошишига таъсири 466,6 миллион долларни ташкил этди.
Изоҳ (0)