«Дарё» таҳририятига Қашқадарё вилояти Ғузор туманида «Ёнқишлоқ» МФЙ Навобоз кучаси 86-уйда яшовчи Зулхумор Каримова қизи Камола Бозорованинг соғлиғига шифо истаб, яхши инсонларнинг кўмагидан умид қилиб, мурожаат қилди.
2002 йил 15 ноябрда оиласида фожиа рўй беради. Зулхумор Каримованинг руҳий хасталиги бўлган турмуш ўртоғи тўсатдан касали қўзғаб оила аъзоларига пичоқ билан ташланиб қолади. У рафиқаси ва уч фарзанди — икки қизи ва бир ўғлини ҳам пичоқлайди. Бироздан сўнг ўзига келгач, нима ишлар қилиб қўйганини англайди ва маҳалла-кўйни ёрдамга чақиради.
Лекин кўргулик экан, пичоқ тиғи оиладаги иккинчи фарзанд 1994 йилда туғилган Камола Бозорова (ўшанда у 8 ёшли қизалоқ бўлган) умуртқа поғонасига кириб кетган ва орқа мияга шикаст етказган .
Камола Бозоровага қўйилган ташхис: Ўнг сон суяги патологик синиши, нотўғри битиши билан. Ўнг оёқнинг 4 сантиметр калталиги билан. Кўкрак-бел соҳаси, орқа мия ВТҳ12-Л1 санчилиб кесилган жароҳатидан кейинги ҳолат, пастки нараплегия, тос аъзоларини функциясини бузилиши билан. Остеопороз. Вирусли гепатит «С».
«Ўзим ҳам ногиронман. Ўша машъум кунда бош суягим синганлиги сабаб икки марта бошимдан операция бўлганман.
Гарчи врачлар менинг яшаб кетишимга ишонишмаган бўлса-да Аллоҳнинг марҳаматини қарангки, мен бугун ҳаёт, ҳаттоки бир ўзим (эрим қамалиб кетган, у билан ортиқ яшашни истамайман) ўқитувчилик орқасидан ҳалол нон топиб, рўзғор тебратиб, уч фарзандни вояга етказиб келмоқдаман.
Қолган икки фарзандим олинган жароҳатларидан фориғ бўлишган, бироқ... қизим Камола ўшандан буён ногирон.
Камола яқин-яқингача эмаклаб, судрала олар, ўтира олар, оёқларидан бирига жон ҳам киргандек бўлганди. Умид уйғонганида яна бир кўргулик рўй берди — унинг ўнг оёғи сон суяги 2017 йил апрель ойида синиб қолди ва аҳволи ёмонлашди.
2017 йил август ойида трамватология ва ортопедия илмий текшириш институти касалхонасида, 2018 йил январь ойида Тошкент тиббиёт академияси 2-клиникаси бўғимлар ва қўл бармоқ жарроҳлик бўлимида даволанди.
Тиббиёт академияси шифокорлари синган сон суяги тўғри бўлмаса-да битаётганлигини, орқа миянинг озроқ жойи узилмай қолганлигини айтишди. Бу эса бизга умид бағишлади.
2018 йил 13 июнь кунида Тошентдаги нейрохирургия бўлимида бир муддат даволанди. 2018 йилнинг 27 июнь кунига қадар бир марта функция, 4 дона прозерин уколини қилишди. Лекин, марказлардаги даволаниш муолажаларидан кейин қизимнинг аҳволида ўзгҳариш бўлмади. Шундан буён қизимни руҳияти синган, яшашга бўлган иштиёқи сўнмоқда.
Дорилари жуда қимматлиги учун олиб беришга имкониятим етмай қолди. Ҳар ойига 2 миллион сўмдан ортиқ маблағ талаб этилади», — дейди Зулхумор Каримова.
Она учун фарзандининг кўз ўнгида сўлиб боришини кўришдан оғирроқ азоб бўлмас керак бу дунёда. Келинг, Камоланинг оёққа туриши учун қўлдан келгунича ёрдам берайлик!
Хайрия қилмоқчи бўлганлар учун:
Пластик карта оркали (Cлик,Payme)
Каримова Зулхумор
Агробанк: 8600-0423-5062-7534
Хорижий давлатлардан маблағ юбориб ёрдам бермоқчи бўлганлар учун паспорт маълумотлари:
Каримова Зулхумор Хушвақтовна
Мурожаат учун онасининг телефон рақами: +99894 337 04 65
Telegram: +99897 386 85 45
Изоҳ (0)