Бугун, 25 февраль куни футбол бўйича Ўзбекистон Pepsi Суперлигасининг 2019 йилги мавсуми учун қуръа ташлаш маросими бўлиб ўтди.
Тадбир аввалида ЎзПФЛ директори маслаҳатчиси Диёр Имомхўжаев Суперлиганинг янги мавсуми форматини маълум қилди. Унинг айтишига кўра, бир жамоа бир мавсумда минимум 27 ўйинда қатнашади. Суперлига формати 2 давралик тизимда ўтказилади. Имомхўжаев шунингдек, Ўзбекистон Лига Кубогини ҳам ташкил этиш режада борлигини маълум қилди.
Ўзбекистон Суперлигасининг 1-тури баҳсларидаги қарама-қаршиликлар маълум бўлди.
Мазкур турнинг марказий ўйинида «Локомотив» клуби сафарда «Пахтакор» меҳмони бўлади. Миржалол Қосимов қўл остидаги ОКМК клуби ўз майдонида «Бухоро» жамоасини қабул қилади.
Қашқадарёнинг «Насаф» клуби Самарқанднинг «Динамо» жамоаси билан баҳсга киришса, Тошкентнинг «Бунёдкор» жамоаси Жиззахга сафар қилади. У ерда тошкентликлар «Сўғдиёна» клубини синовдан ўтказади.
Маълумот учун, Суперлиганинг тўлиқ тақвими тез орада расмий тарзда эълон қилинади.
Олдинроқ ЎзПФЛ янги мавсум элитада 14 жамоа қатнашишини маълум қилганди. ЎФА қарорига кўра, «Сурхон» ва «Динамо» жамоалари ҳам Суперлигада ўйнайди.
Суперлига—2019
1-тур баҳслари
«Сурхон»—«Металлург»
«Динамо»—«Насаф»
«Сўғдиёна»—«Бунёдкор»
«Пахтакор»—«Локомотив»
«Навбаҳор»—«Қўқон-1912»
«Андижон»—«Қизилқум»
ОКМК—«Бухоро»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)