Халқаро зиёрат туризми форуми меҳмонлари Самарқанд шаҳрининг диққатга сазовор жойлари, муқаддас қадамжо ва зиёратгоҳлари билан яқиндан танишгандан сўнг Имом Бухорий халқаро илмий-тадқиқот марказида ҳам бўлди. Бу ҳақда «Дарё»га журналист Манзура Бекжонова маълум қилди.
Улар дастлаб Имом Бухорий ёдгорлик мажмуасини зиёрат қилиб, ҳадис илмининг султони ҳаққига Қуръон тиловат қилди.
Шундан сўнг Имом Бухорий халқаро илмий-тадқиқот маркази ҳамда Ҳадис илми мактабида бўлиб, бу ерда амалга оширилган бунёдкорлик ва ободонлаштриш ишлари, илмий ходимлар учун яратилган шарт-шароитлар билан яқиндан танишди.
Марказ музейидан «Саҳиҳи Бухорий» китобининг қадимий қўлёзмаси ва буюк муҳаддиснинг айни пайтда дунёнинг турли мамлакатларда сақланаётган ноёб асарлари нусхалари ва бошқа экспонатлар жой олган. Турли нуфузли халқаро ташкилотлар ушбу музей фондини қимматли экспонатлар, ўз эсдалик совғалари билан бойитмоқда.
Изоҳ (0)