2019 йилнинг 11 январь куни Тошкент Марказий вокзалининг «Тошкент—Товар» темир йўл бекатидаги божхона омборига Россия Федерациясидан келган юк вагонидаги контейнерлар кўздан кечирилганда, битта қути йўқлиги аниқланган. Бу ҳақда ИИВ Жамоатчилик ва оммавий ахборот воситалари билан алоқалар бошқармаси хабар берди.
Олиб борилган суриштирув ишлари натижасида ушбу қути Тошкент вилояти Тошкент тумани Келес шаҳар Тинчлик маҳалласи яқинида жойлашган «Оқкўприк-Келес» темир йўл бекатлари оралиғида номаълум шахслар томонидан синдирилиб, ичидаги жами тўрт дона парашютлари ўғирлаб кетилганлиги аниқланган.
Ҳолат юзасидан жиноят иши қўзғатилган. Кўрилган чоралар натижасида ушбу жиноятни Тошкент шаҳри ва туманида яшовчи олти нафар шахс содир этгани аниқланди. Жиноятчилар қўлга олинган, тергов ҳаракатлари давом этмоқда.
Изоҳ (0)