Тошкент вилоятининг Бўка тумани ҳокими Нўъмонали Избосаров саломатлиги билан боғлиқ муаммолар туфайли эгаллаб турган вазифасидан озод қилинди. Бу ҳақда «Kun.uz» хабар бермоқда.
Маълум қилинишича, Избосаров ўрнига Бектемир Ибрагимов Бўка тумани ҳокими лавозимига тасдиқланган.
Ибрагимов 2010—2013 йилларда Тошкент вилояти ҳокимининг қишлоқ хўжалиги масалалари бўйича ўринбосари, шундан кейин 2016 йилга қадар Ўрта Чирчиқ тумани ҳокими вазифасида ишлаган.
2018 йили 12 октябрь куни Ўзбекистон президенти Шавкат Мирзиёев Тошкент вилоятига ташрифи давомида Бўка тумани ҳудудидаги «Валихон ота» фермер хўжалиги даласида бўлиб, пахта теримини кўздан кечирганди. 13 октябрь куни Тошкент вилояти ҳокими фармойиши асосида 5 та туман ҳокими, хусусан Бўка тумани ҳокими ҳам икки ойлик маошларидан маҳрум қилинган.
Пахта ҳосилини йиғиб-териб олиш ишларида йўл қўйган камчиликлари туфайли туман ИИБ бошлиғи Ихтиёр Ҳасанов ишдан олинди. Шу cабаб билан Бўка тумани прокурори ва солиқ инспекцияси бошлиғи ҳам ишдан кетганди.
Изоҳ (0)