Ўзбекистон Республикаси Молия вазирининг 2019 йил 18 февралдаги буйруғи билан Ҳудудлар молияси бош бошқармаси бошлиғи лавозимига Давлатов Муродбек Сапарбаевич тайинланди. Бу ҳақда Молия вазирлиги маълум қилди.
Муродбек Давлатов 1978 йилда Хоразм вилояти, Ҳазорасп туманида туғилган, миллати ўзбек, маълумоти олий. 1999 йилда Урганч давлат университетини, 2002 йилда Тошкент давлат иқтисодиёт университетини ва 2006 йилда Ўзбекистон Республикаси Банк-молия академиясини банк иши ва молия мутахассислиги бўйича тамомлаган.
1999 – 2007 йилларда Боғот тумани банкларида ва туман молия бўлимларида,
2007 – 2012 йилларда Хоразм вилояти Ғазначилик ва Назорат-тафтиш бошқармаларида,
2012 — 2015 йилларда Боғот туман ҳокимлиги молия бўлими мудири лавозимларида ишлаган.
2015 – 2017 йилларда Хоразм вилояти ҳокимлиги молия бошқармаси бошлиғи.
2015 – 2018 йилларда Хоразм вилояти ҳокимлигининг молия бош бошқармаси бошлиғи.
М. Давлатов бюджет тизими бюджетларини шакллантириш, тузиш, кўриб чиқиш, қабул қилиш, тасдиқлаш, ижро этиш, давлат томонидан маблағ жалб қилиш ва бюджет тўғрисидаги қонун ҳужжатларининг мазмун-моҳиятини яхши биладиган ва ўз ўрнида ҳудудлар молияси тизимини ривожлантиришда ўз ҳиссасини қўша оладиган салоҳиятли мутахассис ҳисобланади.
Ҳозиргача Ўзбекистон Республикаси Молия вазирлигининг Aгросаноат мажмуа молияси бошқармаси бошлиғи ўринбосари – Aгросаноат мажмуининг қайта ишлаш ва бошқа тармоқлари молияси ва нархларни тартибга солиш бўлими бошлиғи сифатида фаолият юритиб келган.
Изоҳ (0)