Москва вилояти Ивантеевка суди 2017 йилнинг кузида ўқитувчи ва мактаб ўқувчиларига ҳужум қилган ўсмир Михаилни етти йил-у уч ой муддатга ахлоқ тузатиш колониясига ҳукм қилди. Бу ҳақда TJournal хабар қилди.
Февраль ойи бошида Ивантеевка прокуратураси шаҳар судидан судланувчини 9,5 йилга озодликдан маҳрум этишни ва жабрланувчиларнинг ҳар бирига маънавий зарарни қоплаш учун 500 мингдан 800 минг рублгача (7500 доллардан 12000 долларгача) бўлган суммани тўлаттиришни сўраган.
2018 йил 7 сентябрда Москванинг Басман суди уни 5 ноябргача ҳибсда ушлашга ҳукм чиқарган. Ҳибсдалигида айбланувчи жабрланувчилардан узр сўраган. Унинг ота-онаси эса етказилган жисмоний ва маънавий зарар учун бадал тўлашга ваъда берган.
Ўша куни ВКонтакте Михаилнинг саҳифасини ота-онасининг илтимосига кўра блоклади. Ўсмир саҳифасида «delete my life 05.09.2017» («ҳаётимни 05.09.2017 куни ўчириб юбор») деган статус, қурол билан тушган расм ва 1999 йилда «Колумбайн» мактабидаги оммавий қотиллик ҳақида пост қолдирган эди.
5 сентябрь куни Ивантеевкадаги 1-мактабнинг 9-«А» синф ўқувчиси Михаил мактабга ошхона болтаси, милтиқ ва қўлбола портловчи пакет олиб келган. У ўқитувчининг бошига болта билан урган, кейин милтиқдан ўқ узиб, портловчи пакетни портлатган. Натижада тўрт киши жароҳатланган: ўқитувчи ва уч нафар ўқувчи деразадан сакраб, омон қолишга ҳаракат қилган.
Изоҳ (0)