Тошкент шаҳри Миробод туманидаги «Оқ уй» жоме масжидини замонавийлик ва миллийликни инобатга олган ҳолда янги лойиҳа асосида қуриш ишлари бошлаб юборилди. Бу ҳақда Ўзбекистон мусулмонлари идораси матбуот хизмати хабар берди.
«11 февраль куни бўлиб ўтган хайрли тадбирда Ўзбекистон мусулмонлари идораси раиси, муфтий Усмонхон Алимов иштирок этиб, масжид биносининг биринчи ғиштини яхши тилак ва хайрли дуолари ила қўйиб бердилар. Маросимда уламолар, маҳалла фаоллари ва мўйсафид отахонлар иштирок этдилар. Шунингдек, уламолар, нуронийлар ва эзгу ниятда йиғилган қалби пок инсонлар ҳам бирин-кетин пойдеворга ғишт қўйдилар», — дейилади хабарда.
Изоҳ (0)