Ўзбекистон Хотин-қизлар қўмитаси ўз ташаббуси билан ижтимоий тармоқларда кенг муҳокама бўлаётган қайнукаси томонидан 16 марта пичоқ урилган аёлнинг суд жараёнида иштирок этишни мақсадга мувофиқ деб топди. Бу ҳақда «Дарё»га қўмита матбуот хизмати хабар берди.
Хотин-қизлар қўмитаси вакили мазкур иш юзасидан суд жараёнида жамоатчи ҳимоячи сифатида қатнашиб, аёлнинг қонуний ҳуқуқларини ҳимоя қилади.Ижтимоий тармоқ орқали кенг муҳокамаларга сабаб бўлган қайнукаси томонидан пичоқланган ҳомиладор аёл воқеаси барчани ларзага солди.
Аёл Facebook’даги «Не молчи.uz» гуруҳида ёзишича, у тўрт ёшли фарзандининг кўз ўнгида қайнукаси томонидан пичоқланган.
Ушбу ҳаракатларни содир этган йигит 40 дақиқа давомида келинойисининг ўлимини кутган.Ҳодиса мудҳиш оқибатлар билан тугаши мумкин эди, бироқ беш соатлик жарроҳлик амалиёти аёлни ҳаётга қайтарди, мўъжиза билан она ҳам ҳомила ҳам сақлаб қолинди.14 февраль куни аёл кесарча кесиш орқали фарзандини дунёга келтиради.
12 февраль куни бўлиб ўтадиган навбатдаги суд мажлисида мазкур иш бўйича ҳукм ўқилади.
Изоҳ (0)