Ўзбекистон делегацияси Берлин халқаро кинофестивали доирасида бўлиб ўтаётган Европа кинобозорида илк бор ўз тақдимотлари билан иштирок этмоқда. Бу ҳақда «Дарё»га Ёшлар медиа маркази маълум қилди.
Халқаро кинофестивалда Туркия, Франция, Италия, Украина, Испания, Миср, Буюк Британиянинг нуфузли кинокомпаниялари вакиллари билан музокаралар олиб борилмоқда.
Айни пайтда кинофестивалда Ўзбекистон миллий кинокомиссиясини Халқаро кинокомиссиялар ассоциациясига аъзо бўлиш масаласи кўриб чиқиляпти.
Scorpion фильми эса Буюк Британия павильонида сотилмоқда. Анъанавий ўтказилаётган PROlogue кинофестивали тақдимотлари ҳам давом этмоқда.
Кинофестивалда ҳиндистонлик суперюлдуз Ранвир Сингх ўзбек киносидан таклифлар бўлса, бажонидил қабул қилиб, ўзбек актёрлари билан бирга роль ўйнаш нияти борлигини таъкидлади.
Делегатлар жаҳон киносаноати вакиллари билан Ўзбекистон иштирокида қўшма кинолойиҳалар қилиш ҳамда чет эл кинокомпанияларини Ўзбекистонга фильмлар суратга олиш учун таклиф этиш юзасидан ҳамкорлик алоқаларини ўрнатмоқда.
Эслатиб ўтамиз, Берлин халқаро кинофестивалидаги Ўзбекистон павильонини ташкиллаштиришда Ўзбекистон ёшлар иттифоқи, «Ўзбеккино» Миллий агентлиги, Кинематографияни ривожлантириш маркази ҳамда Ўзбекистоннинг Германиядаги элчихонаси яқиндан кўмаклашди.
Изоҳ (0)