2016, 2017 йиллардаги фильмларда Бэтмен ролини ўйнаган актёр Бен Аффлек 2021 йилда чиқиши режалаштирилган янги «Бэтмен» фильмида суперқаҳрамон ролини ижро этмайдиган бўлди. Бу ҳақда актёр Twitter’даги саҳифасида ёзиб қолдирган, деб хабар берди «ТАСС».
«2021 йил ёзида «Бэтмен» чиқишини интиқлик билан кутяпман. Метт Ривз («Бэтмен» режиссёри ва сценаристи) ўз ғояларини амалда гавдалантиришини кўришдан хурсанд бўламан», — деб ёзади Аффлек Deadline порталида чоп этилган янги фильмда бош ролни ижро этмаслиги ҳақидаги мақолада.
Хабарда маълум қилинишича, Бен Аффлек айни пайтда Кейт Элис Маршаллнинг «Мен ҳали ҳам ҳаётман» (I am still alive) асарини экранлаштириш ишлари билан банд. У бош роллардан бирини ижро этади ва фильмга продюсерлик қилади.
Изоҳ (0)