Тошкент логотипини яратиш бўйича танлов ғолиби аниқланди. Ғолибликка MA’NO Branding агентлиги сазовор бўлди. Бу ҳақда Тошкент шаҳар ҳокимлиги қошидаги Жамоатчилик кенгаши Facebook’даги саҳифасида маълум қилди, деб ёзади Spot.
Асосий белги — Тошкентнинг очиқ олтин дарвозаси ва Т ҳарфи ичига тушадиган мусаффо осмон бўлиб, поклик, фаровонлик ва хотиржамлик тимсолидир.
Бу белги коммуникациянинг шартлари ва йўналишига қараб осонгина ўзгариб туради, ранги ўзгариши ва ҳар қандай шаҳар муҳитига, шу жумладан музейлар, боғлар, давлат хизматлари ва бошқа ички ва ташқи коммуникацияларга интеграциялашувини таъминлайдиган турли тематик нақш ва шаклларни ўз ичига олади ва унинг барқарор геометрик дизайнини тезда таниб олиш мумкин:
Белги бир мавзуда ҳам катта ўзгаришларга олиб келиши мумкин, бу эса уни қўллаш учун кенг имкониятлар очади.
Белги ва идентификация шаҳардаги инфраструктурадан маданий воқеаларга қадар турли хил объектларга осонгина мослаштирилиши мумкин, бу эса пойтахт ҳаётининг барча соҳаларини қамраб олиш имконини беради.
Тошкент шаҳар ҳокимлиги қошидаги Жамоатчилик кенгаши шаҳар брендининг тақдимотини ўтказишни режалаштирмоқда. Тадбирда логотип қандай яратилганлиги ҳақида маълумот берилади.
Тошкент шаҳар ҳокимияти Жамоатчилик Кенгаши билан биргаликда шаҳар брендининг логотипидан фойдаланиш мумкин бўлган масканлар, усуллари ва шартлари кўрсатиладиган регламентни тасдиқлайди.
Изоҳ (0)