2018 йил давомида Пенсия жамғармаси ҳамда АТ «Халқ банки» билан биргаликда ўтказилган мониторинг ишлари натижасида жами 683 та ҳолатда 288,3 миллион сўм пенсия ва нафақалар амалдаги қонунчиликка зид равишда тўланган. Бу ҳақда Ўзбекистон Республикаси Молия вазирлиги ҳузуридаги Бюджетдан ташқари Пенсия жамғармаси хабар берди, деб ёзади «Халқ сўзи».
Жумладан:
- 293 та ҳолатда 69,6 миллион сўм ўзлаштириш;
- 97 та ҳолатда 40,8 миллион сўм тўлов рўйхатларида имзолар қалбакилаштирилган ҳолда тўлаш;
- 293 та ҳолатда 177,9 миллион сўм вафот этган фуқароларга тўлаш ҳолатлари аниқланган.
Бундан ташқари, 3 538 та ҳолатда 2 488,2 миллион сўмлик пенсия ва нафақа тўловлари амалдаги тартибни бузган ҳолда тўланганлиги аниқланди, жумладан:
- 572 та ҳолатда 384,1 миллион сўм ишончномасиз бошқа фуқароларга тўланган;
- 651 нафар ётоқдаги фуқароларнинг 398,6 миллион сўм пенсия ва нафақа пуллари уйига олиб бориб берилмаган;
- 75 та ҳолатда 100,5 миллион сўм республикадан ташқарига, 388 та ҳолатда 740,3 миллион сўм яшаш жойидан кўчиб кетган фуқароларга тўланган;
- 241 та ҳолатда 290,3 миллион сўм муддати ўтган шахсни тасдиқловчи ҳужжатлари асосан тўланган;
- 8 та ҳолатда 9,1 миллион сўм жазони ижро этиш муассасаларида бўлган фуқаролар учун тўлаб юборилган;
- 745 та ҳолатда 2,7 миллион сўм пенсия пулига турли хил буюмлар қўшиб берилган;
- 858 та ҳолатда 562,6 миллион сўм бошқа амалдаги тартиб бузилиш ҳолатларига йўл қўйилган ҳолда тўлаб юборилган.
Мониторинг ишлар тизимли равишда давом эттирилмоқда.
Изоҳ (0)