2018-yil davomida Pensiya jamg‘armasi hamda AT “Xalq banki” bilan birgalikda o‘tkazilgan monitoring ishlari natijasida jami 683 ta holatda 288,3 million so‘m pensiya va nafaqalar amaldagi qonunchilikka zid ravishda to‘langan. Bu haqda O‘zbekiston Respublikasi Moliya vazirligi huzuridagi Budjetdan tashqari Pensiya jamg‘armasi xabar berdi, deb yozadi “Xalq so‘zi”.
Jumladan:
- 293 ta holatda 69,6 million so‘m o‘zlashtirish;
- 97 ta holatda 40,8 million so‘m to‘lov ro‘yxatlarida imzolar qalbakilashtirilgan holda to‘lash;
- 293 ta holatda 177,9 million so‘m vafot etgan fuqarolarga to‘lash holatlari aniqlangan.
Bundan tashqari, 3 538 ta holatda 2 488,2 million so‘mlik pensiya va nafaqa to‘lovlari amaldagi tartibni buzgan holda to‘langanligi aniqlandi, jumladan:
- 572 ta holatda 384,1 million so‘m ishonchnomasiz boshqa fuqarolarga to‘langan;
- 651 nafar yotoqdagi fuqarolarning 398,6 million so‘m pensiya va nafaqa pullari uyiga olib borib berilmagan;
- 75 ta holatda 100,5 million so‘m respublikadan tashqariga, 388 ta holatda 740,3 million so‘m yashash joyidan ko‘chib ketgan fuqarolarga to‘langan;
- 241 ta holatda 290,3 million so‘m muddati o‘tgan shaxsni tasdiqlovchi hujjatlari asosan to‘langan;
- 8 ta holatda 9,1 million so‘m jazoni ijro etish muassasalarida bo‘lgan fuqarolar uchun to‘lab yuborilgan;
- 745 ta holatda 2,7 million so‘m pensiya puliga turli xil buyumlar qo‘shib berilgan;
- 858 ta holatda 562,6 million so‘m boshqa amaldagi tartib buzilish holatlariga yo‘l qo‘yilgan holda to‘lab yuborilgan.
Monitoring ishlar tizimli ravishda davom ettirilmoqda.
Izoh (0)