Сенатор Муҳаммаджон Жумагелдиев: Эскирган қонунлар хорижий инвестиция киритишга тўсқинлик қилмоқда

Бугун, 6 февраль куни бўлиб ўтган Халқаро пресс клуб сессиясида тадбиркорлик ва банк соҳасидаги муаммолар муҳокама қилинди, деб хабар берди «Дарё» мухбири Севара Нишонова.

Сессияда спикер сифатида иштирок этган Олий Мажлис Сенатининг бюджет ва иқтисодий ислоҳотлар қўмитаси раиси Муҳаммаджон Жумагелдиев банк тизимидаги олдин қабул қилинган, лекин ишламаётган қонунлар ҳақида гапирди.

Бугунги қонунларимиз, яъни олдин қабул қилинган қонунлар тўғридан-тўғри амал қиладиган, аҳамиятга эга бўлган қонунлар эмас. Улар чет эл инвестицияларини жалб қилишга ҳам тўсқинлик қилади. Битта қонуннинг тагида юзталаб норматив ҳужжат, қонуности ҳужжатлари бўлган. Бу масала Президентимиз томонидан энг асосий вазифа сифатида бизнинг олдимизга қўйилди. Олий Мажлис Сенати, шу жумладан бизнинг бюджет ва иқтисодий ислоҳотлар қўмитаси ҳам иш режамизни қайта кўриб чиқдик.

Биринчидан, ҳозирда амалда бўлган бевосита бизнинг қўмитамизга алоқадор бўлган қонунларни ўрганиб чиқмоқчимиз. Бугунги кунда 80 тадан ортиқ қонун қўмитамизга алоқадор. Шуларни қайта кўриб чиқиб, самарасиз фаолият юритаётган қонунларни бекор қилиб, уларни янги таҳрирда қабул қилишни режалаштирмоқдамиз. Уларни тўғридан-тўғри амал қиладиган қонун ҳолига келтириш ниятидамиз. Бу йилги режамиздан жуда кўп банк молия тизимидаги қонунларни қайта қабул қилишни кўзлаганмиз. Хусусан, ‘Марказий банк тўғрисидаъги қонун, ‘Банклар ва банк фаолияти’ тўғрисидаги қонун, ‘Валютани либераллаштириш тўғрисидаъги қонун, ‘Тўловлар ва тўлов тизими тоғрисидаъги қонун, ‘Истеъмол кредитлари тўғрисидаъги қонунлар. ‘Тўловлар ва тўлов тизими тоғрисидаъги қонун янгидан қабул қилинади. Қолганлари эса таҳрирланади.

‘Суғурта фаолияти тўғрисидаъги қонун ўз самарасини бермаяпти. Шунинг учун бу қонуннинг Молия вазирлиги томонидан бажарилиши жараёни билан танишиш учун вазирлик раҳбарияти ҳисоботини эшитишни мақсад қилганмиз.

2019 йилда иқтисодиётни бошқаришда давлат ролини камайтиришга бағишланган семинар ўтказишни ҳам режалаштирганмиз.

Муҳаммаджон Жумагелдиев, Олий Мажлис Сенати бюджет ва иқтисодий ислоҳотлар қўмитаси раиси