Молия вазирлиги ҳузуридаги бюджетдан ташқари Пенсия жамғармаси томонидан 2018 йил давомида ўтказган мониторинг ишлари натижасида бир қатор қоидабузарликлар аниқланган, дея хабар беради «ЎзА».
Шундан 4 221 ҳолатда Пенсия жамғармаси 2 776,5 миллион сўмни улар билан ҳамкорликда ишлаётган банк ходимлари белгиланган тартибга зид равишда амалга оширганлиги аниқланган.Жумладан, 293 та ҳолатда 69,6 миллион сўм банк ходимлари томонидан ўзлаштирилган, 97 та ҳолатда 40,8 миллион сўм тўлов рўйхатларига имзолар қалбакилаштирилган, 293 та ҳолатда 177,9 миллион сўм вафот этган фуқароларга тўланган.Молия вазирлиги ҳузуридаги бюджетдан ташқари Пенсия жамғармаси матбуот хизматидан маълум қилишларича, бу борадаги бошқа ҳолатлар ҳам ўрганилган.Мисол учун 572 та ҳолатда 384,1 миллион сўм ишончномасиз ўзга фуқароларга тўланган.
651 нафар ётоқдаги фуқароларнинг 398,6 миллион сўм пенсия ва нафақа пуллари уйига олиб борилмаган. 740,3 миллион сўм ҳудуддан кўчиб кетган фуқароларга тўланган.
Саккизта ҳолатда 9,1 миллион сўм жазони ижро этиш муассасаларида бўлган фуқароларга, 745 та ҳолатда 2,7 миллион сўм пенсия пулига турли хил буюмлар қўшиб берилган.Айни вақтда мониторинг ишлар тизимли равишда давом эттирилмоқда.
Изоҳ (0)