3 февраль, якшанба куни футбол бўйича Англия премьер лигасининг 25-тури доирасида навбатдаги учрашув ниҳоясига етди.
Турнинг марказий ўйини «Etihad» стадионида бўлиб ўтди. Унда Хосеп Гвардиола қўл остидаги «Манчестер Сити» клуби Унаи Эмери бошлиқ «Арсенал» билан баҳсга киришди.
Учрашувнинг дастлабки дақиқасидаёқ «шаҳарликлар» ҳужумчиси Серхио Агуэро Аймерик Ляпорт узатган тўпни боши билан дарвозага жойлаб қўйди. Орадан 10 дақиқа ўтиб, «тўпчилар» ҳимоячиси Лоран Косьелни ҳисобни тенглаштирди. 1-бўлимнинг сўнгги дақиқаларида (44) Гундўған—Раҳим Стерлинг—Агуэро триоси ҳужуми гол билан якунланди. Ушбу голга ҳам Агуэро муаллифлик қилди (2:1).
2-бўлимнинг 61-дақиқасида Агуэро Бренд Лено қўриқлаётган дарвозага гол уриб, ҳет-трикка эришди ва АПЛдаги голлари сонини 14 тага етказиб олди.
Шу тариқа «Манчестер Сити» ўз майдонида «Арсенал»ни мағлубиятга учратди.
АПЛ
25-тур баҳслари
3 февраль, якшанба
«Манчестер Сити»—«Арсенал» 3:1
Гол: 1:0 — 1 Агуэро, 1:1 — 11 Косьелни, 2:1 — Агуэро, 3:1 — 61 Агуэро.«Манчестер Сити»: Эдерсон, Уокер, Отаменди, Ляпорт, Фернандиньо, Силва, Гундўған, Бернарду Силва, де Брюйне (Маҳрез, 88), Стерлинг, Агуэро (Жезус, 81).
«Арсенал»: Лено, Косьелни, Монреаль, Колашинац (Суарес, 67), Мустафи (Мавропанос, 79), Гундузи, Торрейра, Ивоби (Рэмзи, 66), Лихтштайнер, Обамеянг, Ляказетт.
Огоҳлантиришлар: Торрейра (40), Гундўған (65)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)