Ҳаётнинг қизғин тарафини ижтимой тармоқдан осон кузатиш мумкин, «Дарё» бу борада сизга ёрдам беришда давом этади. Демак ушбу ҳафтанинг бошларида қандай воқеалар ижтимоий тармоқда трендда бўлди. Марҳамат, ўқиб ҳузурланинг.
Водий қайси қишда газ билан таъминланади?
Ўзининг ўткир ҳажвлари ва мемлари билан машҳур Раис бува ўз Telegram-каналида ва Facebook’да бир-биридан ажойиб карикатуралар жойлади-ки, ҳар бир ҳақида бир сидра кулиб, кейин ўйга толасиз. Бу мемларини шу танқид остига олинган соҳа раҳбарлари ҳам ўқиб кўришармикан ишқлиб, деб ўйлайсиз ҳам. Ҳа нима бўлибди, Раис буванинг танқидий карикатураларини Халқ таълими вазири Шерзод Шерматов ўз йиғилишларида ҳам маърузасида фойдаланганку? Барча раҳбарлар танқиддан тўғри хулоса чиқаришни шундай ўрганса арзийди.
Раис буванинг навбатдаги қалампир карикатураларини томоша қилинг.
Ушбу мемни бироз изоҳлаб кетадиган бўлсак. Декабрнинг нақд 31-санасида тўсатдан сайтлар ва масалан Telegram’даги Davletovuz канали «Ўзтрансгаз» акциядорлик жамияти раиси Баҳодир Эшмуратовнинг «водий аҳолисини қишда ўчмайдиган газ билан таъминлаймиз, Қозоғистондан газ оляпмиз», дея баёнот берганини ёзди. Ҳамма хурсанд, лекин мана бир ой ўтди ҳамки, водийнинг бирон жойида аҳолидан узилган газ қайта улангани ҳақида бир оғиз янгилик йўқ.
Алишер Саъдуллаевнинг узри
Яқинда пресс-клуб йиғилишида журналистлар Ёшлар иттифоқи раисининг биринчи ўринбосари Алишер Саъдуллаевга «уюшмаган ёшлар» атамасини изоҳлаб беринг, деган саволга берган жавоби муҳокамаларга сабаб бўлди. Ижтимоий тармоқлар реакциясидан сўнг ёш раҳбар юқори лавозимдаги раҳбарлар орасида Ўзбекистон тарихида илк бор халқдан ўз жавоби учун расмий узр сўраб, Telegram’даги шахсий каналида ва Facebook’даги саҳифасида эълон қилди.
#Rasman_yoshlarga_uzrimni_yetkazingБу баёнотни ўқигач, тармоқ фойдаланувчилари Алишерни қўллаб-қувватлаб, олға интилишга чорлади.#Bir_jaydarichisiga_gaplashaylik
Охирги вақтлар маълум шахслар ва ташкилотлар ҳақида «креатив» танқид қилиш жуда авжига чиқди. Ҳар хил олиб қочишлар, лағмон чўзишлар ва ҳоказо. Бу жараённи кузата туриб, ҳайрон қоласан киши. Айниқса, гуруҳбозлик ва тарафкашлик кўп учраши ва шунчаки одатий ҳолатлардан бирига айланиб қолди. Энг қизиғи, буларнинг барчаси виртуал оламда содир бўляпти. Келинг, аниқроқ таҳлил қилиб берсам. Ўтган куни халқаро пресс-клубга борган эдим. Шунда «уюшмаган ёшлар» аслида кимлар дея савол беришди (бу терминга ҳалигача аниқ жавоб йўқ, аммо ҳар хил версиялар бор). Савол жуда ҳам қизиқарли ва жамиятдаги «катта» муаммоларни ечиб берадигандек туюлди шекилли ҳаммага, бирданига бу терминни бутун ижтимоий тармоқ муҳокама қила бошлади. Тушунаман, ҳақиқатан ҳам бу термин тренд даражасига чиқди ва бу саволнинг пресс-клубда янграши яна бир резонанс бериши аниқ эди. Лекин нима ўзгарди? Қайсидир ёш манфаат олдими? Ёки уй учун навбатда турган ёшларга уй берилдими? Қайсидир инсоннинг оғирини енгил қилиб бердими? Мутлақо йўқ, шунчаки битта ёш «ақлли» ўзи зўрға контрактга (бизда бюджет бўлмаган) ўқиган катта ташкилотнинг биринчи ўринбосари пресс-клубга чиқволиб, ҳаммани уюшмаган ёшга чиқарди. Энди ҳаммаси аниқ бўлди, чунки «мусаффо осмон» остидаги барча ёшлар уюшмаганга чиқарилди, фақат йўл четида терилиб турган байроқдор ёшларгина уюшган ва улар ҳақ йўлдан кетишмоқда. Улар ҳаммасини билишган ва кутишган эди ва ниҳоят шу кун ҳам келди. Афсуски, бу соҳада #challenge’лар ҳам жим бўлади, улар ҳештег ва тадбирни мукаммал ўтказишади ва биз бундан олам-олам баҳра оламиз.
Таҳлилим тамом.
Ёш давлат хизматчиларига ёки энди шу соҳани танламоқчи бўлганларга бир-икки оғиз айтар сўзим бор. Дўстлар, бизнинг ёшлар гуруҳбозлик, тарафкашлик ёки бошқача услубда яшашда давом этар экан, сизлар давлат ишига бел боглаб, халқ хизматида бўлиш, унинг ҳурматини қозониш, Президент бошлаган ислоҳотларга ўз ҳиссангизни қўшиш уёқда турсин, оилангиз, фарзандларингиз ва ҳатто ота-онангизни ҳам рози қила олмайсиз. Бизда ҳали ишни ўрганиб олиш учун вақт эмас ёки тажриба орттириш эмас, шунчаки жиноят қилган бўласиз. Хорижда сиз ўрганган ва бутун дунё жар солаётган failure is an inevitable part of success, яъни муваффақият албатта хато билан бўлади ёки хато билан шоша-пиша хулоса қилма, ундан ўрган, деган термин бизда иш бермайди. Сиз мукаммал ёзишингиз, фикрлашингиз, гапиришингиз ва ишлашингиз керак, бўлмаса уюшмаган бўлиб қоласиз)))
Қисқаси, бу гапларни ҳолатни жуда яхши ҳис қилиб турган ва сизларни «уюшган» ёки «уюшмаган» деб эмас, шунчаки ака, опа, ука ва сингил сифатида кўргувчи оддий бир ёш айтяпти! Айтганча, агар давлатимиз ривожига ҳисса қўшиш учун бошқа йўналишни танлаш имкони туғилса, мендан ҳам ўртамиёна блогер ва яхши тадбиркор чиқиб қолар.
Шунингдек, хатойим учун, айнан «уюшмаган» терминининг хатоси учун бутун ёшлардан расман узр ва кечиримимни сўрайман. Жуда яхши, яна бир дарс бўлди. Бу менинг нуқсоним ва бунинг такрорланмаслигида қўллаб-қувватлашингиз ва далдангизга доим муҳтожмиз!
Алишер Саъдуллаев
Йўлларда тезликнинг туширилиши ЙТҲлар сонини камайтирадими?
Блогер Фарҳод Файзуллаев юргизиб бораётган Telegram-канали — «Замбаракнинг ўқи»да кенг мушоҳадали пост ёзди. Пост остида турли фикрлар билдирилди. Постни келтирамиз, ёқлаш-ёқламасликни ўзингиз ҳал қилинг:
2018 йилда Ўзбекистон йўлларида 2262 киши ҳалок бўлибди. Кунига 6 киши дегани. Ҳар куни кимнингдир отаси ё онаси, опаси ё синглиси, акаси ё укаси, фарзандлари машина ғилдираклари тагида ҳалок бўляпти. Бу фожиа бўлмай нима?Яна эгизак фарзандлар масаласиАввалги постларимнинг бирида ўлимларни камайтиришнинг усулларидан бири сифатида рухсат берилган тезликни 70 км/соатдан 50 ка туширишни таклиф қилгандим. Дунёнинг барча ривожланган давлатларида ушбу тезлик белгилаб қўйилган. Ўлимларни камайтиришнинг синалган йўлларидан бири бу, велосипед яратишнинг кераги йўқ!
Бу таклифимга баъзилар «аввал трассалар қурайлик, аввал йўлларни текислайлик, аввал бало қилайлик, аввал баттар қилайлик, ҳаммаёқ пробка бўп кетади», дейишди. Ҳа майли, 25 йилдан бери қурилмаган трассалар қурилиб қолар, деб умид қилиб ўтираверайлик, кунига 6 киши ўлаверсин.
Энди тасаввур қилинг, Худо кўрсатмасин, шу 2262 киши ичида ўзимизнинг яқинларимиз, жигарларимиз бор. Сал тезроқ юриш учун уларни қурбон қилишга тайёрмизми? 3—5 дақиқа вақтлироқ чиқиб кета олмасдан, ўрнига бировни қурбон қилишга ҳаққимиз борми?
Ўзбекларимиз ўзи жа зўр-да. Мана, 2 минутда бораман дейди, аммо ҳали уйдан чиқиб кетмаган бўлади. Сал вақтлироқ ҳаракат қилайлик, олдиндан режалаштирайлик, секинроқ, эътиборлироқ юрайлик ва кунига 6 кишининг жонини сақлаб қолайлик.
Менга деса бутун Тошкент пробка бўлиб кетмайдими! Наҳотки 2262 кишининг жони қаёқдаги пробка ёки 5 минут кўпроқ юришдан қадрсиз бўлса?!
Ҳозир нима бўлса Сингапурни мақташ, унга солиштириш мода бўлган. Сингапур бундай тартибга қандай эришди? Бундай тартибга эришишда катта жарималарнинг ўрни юқори. Мен ҳам Ўзбекистонни Сингапурдек бўлишини хоҳлайман; қонунни бузсам, катта жарима тўлашга ҳам розиман. Шаҳар кўчаларининг ҳар бир сантиметри камера билан назорат қилиниши тарафдориман. Зора ўпкаси йўқ, ноинсоф, бировга тупуриб қўйган олифта-ю ифлослар жаримани тўлайвериб, охири баъзи жойини қисиб қолса.
Шу кунларда уч эгизак кўрган ва яхши ният билан Шавкат, Мирзиё, Миромон исмларини қўйган ота-оналарга Cobalt автомашиналари берилгани ҳақида хабарларни кўпчилик ўқиди. Ҳуқуқшунос ва блогер Хушнудбек Худойбердиев ўз Telegram-каналида ёзишича, ўтган йилнинг сентябрь ойида Пахтаобод туманида дунёга келган, Шавкат, Миромон ва Мирзиё дея исм қўйилган уч нафар эгизакка Андижон вилояти ҳокимлиги Spark автомашинасини совға қилибди.
Дарё Live Telegram-канали Президентга ҳавас қилиб, исмлар қўйилган, лекин ҳали совғага машина берилмаган уч нафар эгизакларнинг ўзига хос рўйхатини тузиб чиқди. Ушбу рўйхат билан каналда танишишингиз мумкин.
Дарвоқе, орадан бир муддат ўтиб, рўйхатга кирган андижонлик эгизакларга вилоят ҳокими томонидан Spark совға қилинди.
Бу воқеаларга нисбатан ижтимоий тармоқда турли фикрлар билдирилди.
Коса тагида нимкоса
Қуйидаги ҳазил постлар бир қарашда шунчаки ҳазилдай туюлса ҳам, бизнингча, жиддий муаммоларни кўтариб чиққан:
Twitter’да, ҳар доимгидай, кўпроқ спорт янгиликлари муҳокама қилинди.
Эшакни миниб кетаётганингизда, "эшакка жабр қилаётганингиз"ни уқтирувчилар чиқади. Ажабланманг, улар сиз минган жонзотнинг дўстлари бўлиши мумкин.
— Xayrulla Hamidov (@X_Hamidov) January 29, 2019
Қани энди болаликка қайтиб қолсак. Энг катта ярамиз тиззамиздаги яра бўларди ҳолос...
— Anνarσν (@Asilbek_7) January 27, 2019
Р.Карлос билан матбуот анжуманидаги савол жавобларни укиб роса кулибманей! Сизниям ичиз кетадими деб сураш колиб кетибди. Мля...
— mamurjon (@mamriniio) January 28, 2019
Р.Карлос тахминан: Тошкент жуда чиройли шаҳар экан, одамлари меҳмондўст, ўзбек таомлари жуда ширин, деб эшитганман. Терма жамоангиз Купер билан албатта ЖЧга чиқади, ҳозир улкан ислоҳотлар амалга оширлаётганига гувоҳ бўлдим, деса керак)
— Жасурбек Норметов... (@JasurNormetov) January 28, 2019
Манга Эроннинн шарманда бўлиб тугатгани ёқди: Сардор ўзича, кубоккача 7 та ўртоқлик ўйинини ўтказгани келдик, деганди.
— Xayrulla Hamidov (@X_Hamidov) January 28, 2019
Ижтимоий тармоқлардаги ранг-баранг фикрларни «Дарё»да кузатишда давом этинг.
Изоҳ (0)