Тошкент автомобиль йўллари институтининг доимий танлов комиссияси раиси Т.Ш. институт ётоқхоналари учун қиммат нархда мебел жиҳозлари сотиб олишда айбланмоқда. Бу ҳақда Бош прокуратура матбуот хизмати маълум қилди.
Институтда ўтказилган тендер танловида бир дона кроватни 915 минг сўмдан етказиб бериш таклифи бўлса-да, қиммат вариантни кўрсатган тадбиркорлик субъекти танловда ғолиб чиққан. 360 дона кроват бозор баҳосидан 18 миллион сўм қимматига сотиб олинган.
Бу ҳолат Миробод тумани прокуратураси томонидан олиб борилган тергов ҳаракатлари давомида аниқланган.
Т.Ш.га Жиноят кодексининг тегишли банди билан айблов эълон қилинди. Тергов ҳаракатлари давом этмоқда.
Изоҳ (0)