Бугунги кунда Tashkent City халқаро ишбилармонлик маркази объектларини қуришда 2000 дан зиёд киши иштирок этмоқда. Бу ҳақда бугун, 31 январь куни Tashkent city халқаро ишбилармонлик марказида ОАВ ходимлари учун ташкил этилган матбуот анжуманида маълум қилинди, деб хабар берди «Дарё» мухбири Севара Нишонова.
Tashkent city халқаро ишбилармонлик маркази қурилиши бўйича дирексия бошлиғи Шерзод Ҳидоятовнинг маълум қилишича, қурилишда меҳнат қилаётган ишчиларга барча шарт-шароитлар яратилган.
«Сўнгги йиллар ичида чет элларга ишлаш учун чиқиб кетган Ватанига, оиласи бағрига қайтиб, Tashkent City объектларида меҳнат фаолиятини олиб бормоқда. Қурувчиларга ойлик иш ҳақи мутахассислик ва малакадан келиб чиқиб 1,4—2,5 миллион сўмни ташкил этмоқда. Шунингдек, юқори малакали ходимларга саккиз миллионгача маош тўланмоқда.
Бу ерда уч маҳал текин овқат берилади, қиймати 200 минг сўмга тенг ойлик озиқ-овқат пакети бериш кўзда тутилган. Меҳнат қонунчилиги талаблари доирасида иш вақти режими икки сменада ташкил этилган. Кечки сменада ишловчи ходимларга ҳам бепул овқат берилади. Ходимлар объект ҳудудида барпо этилган ва махсус жиҳозланган биноларда яшайди. Улар иссиқ ва совуқ сув, иситиш ва совутиш тизимига уланган», — Шерзод Ҳидоятов.
Изоҳ (0)