Bugungi kunda Tashkent City xalqaro ishbilarmonlik markazi obyektlarini qurishda 2000 dan ziyod kishi ishtirok etmoqda. Bu haqda bugun, 31-yanvar kuni Tashkent city xalqaro ishbilarmonlik markazida OAV xodimlari uchun tashkil etilgan matbuot anjumanida ma’lum qilindi, deb xabar berdi “Daryo” muxbiri Sevara Nishonova.
Tashkent city xalqaro ishbilarmonlik markazi qurilishi bo‘yicha direksiya boshlig‘i Sherzod Hidoyatovning ma’lum qilishicha, qurilishda mehnat qilayotgan ishchilarga barcha shart-sharoitlar yaratilgan.
“So‘nggi yillar ichida chet ellarga ishlash uchun chiqib ketgan Vataniga, oilasi bag‘riga qaytib, Tashkent City obyektlarida mehnat faoliyatini olib bormoqda. Quruvchilarga oylik ish haqi mutaxassislik va malakadan kelib chiqib 1,4—2,5 million so‘mni tashkil etmoqda. Shuningdek, yuqori malakali xodimlarga sakkiz milliongacha maosh to‘lanmoqda.
Bu yerda uch mahal tekin ovqat beriladi, qiymati 200 ming so‘mga teng oylik oziq-ovqat paketi berish ko‘zda tutilgan. Mehnat qonunchiligi talablari doirasida ish vaqti rejimi ikki smenada tashkil etilgan. Kechki smenada ishlovchi xodimlarga ham bepul ovqat beriladi. Xodimlar obyekt hududida barpo etilgan va maxsus jihozlangan binolarda yashaydi. Ular issiq va sovuq suv, isitish va sovutish tizimiga ulangan”, — Sherzod Hidoyatov.
Izoh (0)