21 январдан буён Россия шаҳарларида тайёрланаётган портлашлар ҳақидаги аноним қўнғироқлар сабабли оммавий эвакуациялар давом этмоқда. Барчаси Магнитогорскда юз берган портлашдан кейин бошланган, номаълум кишилар портлашни бомба ҳақидаги хатга боғлаган. 25 январь куни эвакуациялар тўлқини Иркутск, Чита, Улан-Уде ва Ёқутистонга ҳам таъсир қилган. 28 январь куни Сибирнинг бир нечта ҳудудида касалхоналар, мактаблар ва болалар боғчалари бомба ҳақидаги хабар сабабли эвакуация қилинган. Бу ҳақда TJournal хабар берди.
31 январь куни бомба ҳақидаги қўнғироқлар Санкт-Петербург, Москва, Ростов, Қозон, Екатеринбург ва Россиянинг бошқа шаҳарларида қайд этилган.
Санкт-Петербургда қўнғироқ иш вақти бошланганидан кейин қабул қилинган. Йирик савдо марказлари, 20 та касалхона ва 31 та мактаб эвакуация қилинган. Петербург тарихида бу энг йирик оммавий эвакуация бўлди.
Москвада ўнлаб объектлар текширилмоқда. Иккита савдо марказидан 800 киши эвакуация қилинган. Хабар берилишича, 20 та объект бомба ҳақида хабар олган, текширувлар вақтида тахминан икки минг киши эвакуация қилинган.
Изоҳ (0)