SpaceX компаниясининг Starship ракетаси кучли шамол сабабли ағдарилиб тушди ва зарарланди. Илон Маскнинг сўзларига кўра, таъмирлаш ишлари бир неча ҳафта олади. Бу ҳақда TJournal хабар берди.
Компания раҳбарининг айтишича, тезлиги соатига 80 километрни ташкил қилган шамол ракетани ерга маҳкамлаб турган блокларни синдириб юборган. Шу сабабли кеманинг юқори қисми қулаб тушган, ёқилғи баки эса бутун қолган.
Бу талқин вертикал учиш ва қўниш синовлари учун мўлжалланган ва якуний кўринишдан фарқ қилади, унда иллюминатор ва корпуснинг бошқа элементлари мавжуд эмас.
Маск ракетанинг қурилиши ҳақида 2017 йилнинг сентябрь ойида маълум қилган, дастлаб у BFR (Big Falcon Rocket) деб номланган, кейин эса қайта номланган. Юқори қисми Starship, ракета тезлатгич эса Super Heavy деб номланган.
Starship’ни йиғиш ишлари 2018 йилнинг март ойида бошланган ва 2019 йилнинг январь ойида ниҳоясига етган.
Изоҳ (0)