Вазирлар Маҳкамаси ижро этувчи тузилмасида Бош вазирнинг ўринбосарлари — иқтисодиёт тармоқлари ва ижтимоий соҳа комплекслари раҳбарлари лавозимлари, шунингдек, уларнинг аппаратлари (котибият) тугатилади. Бу Президентнинг «Ўзбекистон Республикаси Ҳукумати ишини ташкил этишнинг сифат жиҳатидан янги тизимини жорий этиш тўғрисида»ги қарорида кўзда тутилган.
Қарор билан Макроиқтисодий таҳлил ва прогнозлаштириш, молия ва банк тизимларини ислоҳ қилиш, хусусий тадбиркорлик ва кичик бизнесни ривожлантириш масалалари йиғма ахборот-таҳлил департаменти;
Мамлакатни ижтимоий-иқтисодий ривожлантириш комплекслари, тармоқлари ва соҳалари бўйича ахборот-таҳлил департаментлари ҳам тугатилди.
Вазирлар Маҳкамаси ижро этувчи тузилмасига:
Бош вазирнинг биринчи ўринбосари — Транспорт вазири;
Бош вазирнинг ўринбосари — Молия вазири;
Бош вазирнинг инвестициялар ва ташқи иқтисодий алоқалар масалалари бўйича ўринбосари;
Бош вазирнинг ижтимоий ривожлантириш масалалари бўйича ўринбосари;
Бош вазирнинг ўринбосари — Ўзбекистон Хотин-қизлар қўмитаси раиси;
Бош вазирнинг ёқилғи-энергетика соҳаси ва саноатнинг базавий тармоқларини ривожлантириш масалалари бўйича маслаҳатчиси;
Бош вазирнинг аграр ва озиқ-овқат соҳаларини ривожлантириш масалалари бўйича маслаҳатчиси лавозимлари киритилди.
Вазирлар Маҳкамаси бошқарув ходимларининг чекланган сони 178 нафар бўлган ижро этувчи тузилмаси тасдиқланди.
Изоҳ (0)