Македониянинг янги Конституциявий номи тўғрисидаги Преспа битими кучга кирди. Бу ҳақда «Вести.ru» хабар берди.
25 январь куни ҳужжат грек парламенти томонидан ратификация қилинди ва Греция Республикаси президенти Прокопис Павлопулос томонидан имзоланди. Битим «Ҳукумат газетаси»да нашр этилганидан сўнг расман кучга кирди.
Сўнгги сўровлар шуни кўрсатадики, 62 % греклар бу битимга қарши бўлган. Парламентда битимни ратификация қилинишига 300 нафар депутатдан 153 нафари овоз берган. 146 нафар парламент аъзолари қарши бўлган. 1 нафар депутат бетараф бўлган.
Сўл партиячилар битимга қарши чиқмоқда. Чунки битимдан ягона мақсад — Россиянинг Болқон ярим оролларига таъсирини камайтириш учун «Шимолий Македония»ни НАТОга жалб қилиш деб ўйламоқда.
Грекларнинг фикрига кўра, фақат мамлакатнинг шимолий қисмидаги тарихий ҳудуд аҳолисини македонлар деб аташ мумкин. Скопье шаҳри аҳли эса бу битим халқнинг бирлигини бузади деб ҳисобламоқда.
Македония парламенти 12 январдаги мамлакатни Шимолий Македония деб қайта номлаш ҳақидаги қонунни тасдиқлади.
Бу битим 2018 йил 17 июнда Преспа кўли қирғоқларида Афина ва Скопье ўртасида имзоланган эди. Бу узоқ вақт давом этган баҳсни ҳал қилади ва Скопье учун НАТО ва ЙИга йўл очади.
Изоҳ (0)