Индонезия пойтахти Жакартада Sinar Mas Group асосчиси Эка Жипта Виджайя 98 ёшида вафот этди. Бу ҳақда «РБК» хабар бермоқда.
Хитойда туғилган Виджайя 9 ёшида Индонезияга кўчиб ўтган ва 17 ёшида ўзининг илк бизнесини бошлаганди. 1962 йилда биринчи фирмасини, кейинроқ палма ёғи ишлаб чиқарадиган дунёдаги энг йирик компаниялардан бири ва кўчмас мулк агентлигига асос солади.
Унинг активлари нафақат Индонезия, балки Сингапур ва Малайзияда ҳам бўлган. Ҳозирда Виджайянинг бизнес-империясини фарзандлари ва набиралари бошқаради, ишчи-ходимлар сони эса 380 минг кишини ташкил этади.
Bloomberg Виджайяни 9,3 миллиард доллар мол-мулк билан энг бой индонезияликлар рўйхатида тўртинчи ўринга қўйганди.
Изоҳ (0)