Ўзбекистон Халқ таълими вазири ўринбосари Отабек Назиров Капитал бозорини ривожлантириш агентлиги директори этиб тайинланди, деб хабар берди вазирлик ахборот хизмати.
14 январь куни президент фармони билан Хусусийлаштирилган корхоналарга кўмаклашиш ва рақобатни ривожлантириш давлат қўмитаси тугатилган ва унинг ўрнида учта янги тузилма — Давлат активларини бошқариш агентлиги, Монополияга қарши курашиш қўмитаси, Капитал бозорни ривожлантириш агентлиги ташкил этилган эди.
Мазкур уч тузилмадан бири ҳисобланган Капитал бозорини ривожлантириш агентлиги қимматли қозоғлар бозори, корпоратив бошқарув ва фонд биржалари фаолиятини назорат қилиш бўйича ваколатларга эга бўлди.
Маълумот учун, Отабек Назиров 1975 йилда туғилган. У АҚШнинг Нью-Йорк университетини тамомлаган. АҚШдаги Goldman Sachs Group, The Avascent Group, JP Morgan Chase, Россиядаги «Тройка Диалог» ва МDМ-Bank каби ширкатларда ишлаган.
У 2018 йилнинг майидан июнига қадар инновацион ривожланиш вазири ўринбосари, бугунги кунга қадар халқ таълими вазири ўринбосари лавозимларида фаолият юритган.
Изоҳ (0)