Австралия аҳолиси рекорд даражадаги жазирамадан азият чекмоқда: мамлакат жанубида ҳарорат Цельсий бўйича 50 даражага етмоқда. Бу ҳақда «Корреспондент.net» хабар бермоқда.
Седуна шаҳрида қаторасига иккинчи кун ҳарорат 48,6 даражага етмоқда. Жанубий Австралия штати пойтахти Аделаидада эса бу кўрсаткич шаҳар учун рекорд — 46,6 даражани ташкил этди.
Жазирама 25 январь куни ҳам давом этиши ва Виктория ҳамда Янги Жанубий Уэльс штатларига тарқалиши кутилмоқда. Австралиянинг теннис бўйича очиқ чемпионати ярим финали ўтадиган Мельбурн шаҳрида шу куни 43 даража ҳарорат ҳукм суриши айтилмоқда.
Изоҳ (0)