Брендларнинг қийматини баҳолаш билан шуғулланадиган Brand Finance консалтинг компанияси дунёдаги энг қиммат брендларнинг йиллик рейтингини тақдим этди. Бу ҳақда «Ведомости» хабар берди.
500 та брендни ўз ичига олган рейтингга Amazon бошчилик қилган. Рейтинг муаллифларининг фикрича, ўтган йил ушбу компания бренди 24,6 фоизга ошиб, 187,9 миллиард АҚШ долларни ташкил қилган.
Amazon’дан ташқари рўйхатга яна бешта технологик компания кирган.
Apple бренди аввалги икки йил каби иккинчи ўриндан жой олган. Унинг қиймати 5 фоизга ўсиб, 153,6 миллиард АҚШ долларга етган.
Рўйхатнинг учинчи поғонасида Google. Мазкур бренд қиймати 18,1 фоизга ўсиб, 142,7 миллиард АҚШ долларга кўтарилган.
2017 йилда компания дунёдаги энг қиммат брендлар рейтингига бошчилик қилганди.
ТОП-10 рўйхатдан «Microsoft» компанияси (119,6 миллиард АҚШ доллар), Samsung (91,3 миллиард АҚШ доллар), AT&T телекоммуникация гуруҳи (87 миллиард АҚШ доллар), Facebook (83,2 миллиард АҚШ доллар), Хитойнинг ICBC банк гуруҳи (79,8 миллиард АҚШ доллар) ва Verizon телекоммуникация компанияси (71,15 миллиард АҚШ доллар), Хитой қурилиш банки (69,7 миллиард АҚШ доллар) жой олган.
Изоҳ (0)