21 январь, душанба куни Ўзбекистон терма жамоаси Осиё Кубоги—2019 мусобақасининг 1/8 финалида Австралияга қарши майдонга тушди.
Учрашувда Игнатий Нестеров тўлиқ ҳаракат қилди. Шу тариқа у Ўзбекистон терма жамоасида энг кўп ўйин ўтказиш бўйича (Осиё Кубокларида) рекордни такрорлади, деб ёзади «Championat.asia».
Бунгача Осиё Кубоги баҳсларида Ўзбекистон терма жамоаси сафида энг кўп ўйин ўтказган футболчи Тимур Кападзе бўлиб, унинг ҳисобида 17 та ўйин мавжуд эди.
Нестеров қитъа кубогида Австралияга қарши майдонга тушиб, учрашувлар сонини 17 тага етказиб олди ва Кападзе билан тенглашди.
Бундан ташқари Одил Аҳмедов ҳамда Анзур Исмоиловлар Осиё Кубогида ўзининг 13-учрашувини ўтказмоқда.
Осиё Кубоги мусобақаларида Ўзбекистон терма жамоаси таркибида энг кўп майдонга тушган футболчилар рўйхати:
- Тимур Кападзе, Игнатий Нестеров — 17 тадан ўйин
- Сервер Жепаров — 15
- Азизбек Ҳайдаров, Одил Аҳмедов, Анзур Исмоилов — 13
- Александр Гейнрих — 12
- Максим Шацких, Санжар Турсунов — 10
- Виталий Денисов, Виктор Карпенко — 8
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)