Ўзбекистон терма жамоаси Осиё Кубоги нимчорак финалида Австралия термасига қарши майдонга тушади. Тўқнашувдан олдин Ўзбекистон термаси сардори Одил Аҳмедов ҳам фикрлари билан бўлишди.
«Японияга қарши терма жамоамиз яхши ўйнади. Аммо мағлубиятга учраш ҳамиша ёқимсиз. Футболда ғалаба билан мағлубият ёнма-ён юради. Терма жамоада ички муҳит аъло даражада, барча кейинги ўйинга тайёргарлик кўрмоқда. Олдинга қараб интилиш кераклигини барча яхши тушуниб турибди. 21 январь куни бизни жуда муҳим ўйин кутиб турибди, бу учрашувда фақат ғалаба учун майдонга тушамиз, бошқа йўл йўқ. Осиё Кубогининг амалдаги соҳибини таслим этиш осон эмас, албатта. Австралия кучли терма жамоа. Аммо катта иштиёқ эвазига Австралия тўсиғидан ўта оламиз, деб ўйлайман. Ортимизда бутун Ўзбекистон қўллаб-қувватлаб турганини ҳис қилмоқдамиз. Бу бизга жуда катта куч бермоқда. Иложсиз нарсанинг ўзи йўқ»—деди Одил Аҳмедов.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)