Мексикадаги қувур портлаши қурбонлари сони 79 кишига етди. Бу ҳақда мамлакат соғлиқни сақлаш вазири Хорхе Алькосерга таяниб, Univision нашри хабар берди, деб ёзади «РИА Новости».
Бундан ташқари, ҳодиса оқибатида 81 киши жароҳат олган, улардан 66 нафари ҳамон шифохоналарда қолмоқда.
Эслатиб ўтамиз, ҳодиса 19 январга ўтар кечаси мамлакатнинг марказий қисмида, пойтахт Мехикодан тахминан 100 километр шимолда юз берган. Қувурнинг эгаси ҳисобланган Pemex давлат компанияси баёнотига кўра, авария қувурдан ноқонуний тарзда бензин олишга уриниш оқибатида юз берган.
Аввалроқ ҳодиса оқибатида ҳалок бўлганлар сони 71 кишига етганлиги ҳақида хабар берилган эди.
Изоҳ (0)