Бош прокуратура ҳузуридаги Департаментнинг Жарқўрғон туман бўлими ходимлари томонидан ўтказилган тезкор тадбирда, фуқаро З.К. фуқаро О.дан Cobalt русумли автомашинани автосалонда ишловчи танишлари орқали навбатсиз олиб бериш эвазига 400 долларини олган вақтда ашёвий далиллар билан ушланган. Бу ҳақда Бош прокуратура томонидан маълум қилинди.
Бундан ташқари, тадбир давомида ушланган фуқаро З.К.нинг ёнида 17850 доллари ва 773000 сўм пул маблағлари борлиги аниқланиб, ушбу ҳолат юзасидан изоҳ сўралганда, 17850 долларни Жарқўрғон тумани Деҳқон бозори атрофида ноқонуний валюта олди-сотдиси билан шуғулланувчи нотаниш шахслардан ҳар бир долларни 8350 сўмдан ҳисоблаб, кейинчалик қайта сотиш мақсадида сотиб олганлигини маълум қилган.
Мазкур ҳолат юзасидан фуқаро З.К.га нисбатан Ўзбекистон Республикаси Жиноят Кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)