Барча тижорий рейсларнинг Отатурк аэропортидан Истанбулнинг янги аэропортига тўлиқ ўтиш санаси маълум бўлди. Бу ҳодиса 3 мартда бўлиб ўтади. Бу ҳақда «РИА Новости» хабар берди.
Айнан шу куни Отатурк аэропортида хизмат кўрсатиладиган барча ички ва ташқи рейсларни Истанбул марказидан 40 километр шимоли-ғарбда, Қора денгиз қирғоғи яқинида жойлашган янги аэропорт қабул қилишни бошлайди.
Дунёдаги энг йирик аэропортлардан бирига айланиши кутилаётган Истанбулнинг янги аэропорти дастлабки босқичда йилига 90 миллион кишини қабул қилиши керак. Ўн йил давомида йўловчилар оқими йилига 200 миллион кишига етиши кутилмоқда. Аэропорт дунё бўйлаб 350 та йўналишга парвозларни амалга оширишни режалаштирмоқда.
Ўтган йилда 68 миллион кишини қабул қилган Отатурк аэропорти эса бошқа мақсадларга хизмат қилади. У ердан юк ташиш, техник хизмат кўрсатиш омбори, ўқув тадбирлари ва авиацион ярмаркалар мақсадларида фойдаланилади.
Бундан ташқари, аэропортдаги аэронавигация тизими камида 2022—2023 йилларгача фаолият кўрсатади.
Изоҳ (0)