Қирғизистоннинг Ўш вилояти Кара-кулжа туманининг Кенеш қишлоғида истиқомат қилувчи 18 ёшли йигитнинг исми 17 та ҳарфдан ташкил топган. Бу ҳақда «Турмуш» агентлигига таяниб, Sputnik хабар қилди.
Йигитнинг исми Ибраҳимхалилуллоҳ Жанибек уулу. Ҳозир у Ўшда таҳсил олади. Қариндошларининг сўзларига кўра, унинг исми Иброҳим пайғамбар шарафига қўйилган. Йигитнинг ўзи тўлиқ исмини 16 ёшга тўлиб, паспорт олмагунча билмаган.
«Шу пайтгача мени Ибраҳим деб аташарди. Менинг шундай узун исмим борлигини шахсимни тасдиқловчи ҳужжат олаётганимда билганман. Ҳайратланганимни яширмайман. Шу пайтгача унча қизиқиб кўрмагандим. Аввалига, албатта, бироз уялардим, ҳозир эса ғурурланаман», — дейди Ибраҳим.
У бирор жойда ҳужжат олмоқчи бўлса, ундан исмининг қандай тўғри ёзилишини қайта-қайта сўрашларини ҳикоя қилади. Отаси эса ўғлининг туғилганлик тўғрисидаги гувоҳнома олаётганда, унинг исмини ўзи ёзиб қўйишига тўғри келган.
Изоҳ (0)