«Ўзбекистон ҳаво йўллари» миллий авикомпания Boeing-787 Dreamliner самолётлари ишдан чиққани ҳақида хабарларга расмий ахборот берди, деб ёзмоқда «Газета.uz».
Хабарда айтилишича, Uzbekistan Airways халқаро стандартларга мувофиқ парвозларни бажаришда давом этмоқда, Uzbekistan Airways авиапарки таркибидаги барча ҳаво кемалари режали техник кўрик ва модификациядан доимий равишда ўтказилади, бу вақтида самолётлар рейслардан олинади
«Миллий авиакомпания йўловчилари ўрганган даражадаги парвозлар хавфсизлигини таъминлаш учун ушбу жараёнлар янги ҳаво кемаларига, жумладан, Boeing-787 Dreamliner’га ҳам қўлланилади», — дейилади расмий баёнотда.
Шунингдек, бу борада нотўғри маълумот тарқалишининг олдини олиш мақсадида «Ўзбекистон ҳаво йўллари» томонидан Boeing ва General Electric компаниялари вакиллари иштирокида брифинг ташкил этилади.
Аввалроқ, Uzbekistan Airways’га қарашли яна бир Dreamliner ишдан чиққани хабар берган эдик.
Изоҳ (0)