Қишнинг қаҳратон кунларига қарамай Орол денгизининг қуриган тубида ўрмонзор барпо этиш ишлари давом этмоқда. Бу ҳақда «Халқ сўзи» хабар берди.
Мўйноқ туманида фаолият юритаётган тезкор штабдан олинган маълумотга кўра, бугунги кунда ушбу ишда мингдан ортиқ киши қатнашмоқда. Экин ерларни тайёрлаш, уруғлик етказиб бериш ва саксовул экиш ишларига 543 та техника жалб қилинган.
Шу кунгача тайёрланган 223 минг 668 гектар ернинг 53 минг 205 гектарига 232 минг 665 килограмм саксовул уруғи экилди.
Жараён бошланганидан буён жами тайёрланган уруғ 622 минг 500 килограммни ташкил этди. Саксовул уруғи тайёрлашга маҳаллий аҳоли жалб этилган. Уларга шу кунгача 975 миллион сўмдан кўпроқ иш ҳақи берилди.
Изоҳ (0)