Тошкент шаҳридаги немис тилини чуқурлаштирган ҳолда ўқитишга ихтисослашган 60-сонли мактабга немис шоири ва мутафаккири Иоганн Вольфганг фон Гёте номи берилди. Бу ҳақда Халқ таълими вазирлиги Ахборот хизмати хабар берди.
Ўзбекистон Президенти Шавкат Мирзиёевнинг Германияга расмий ташрифи олдидан бўлиб ўтган тантанали маросимда Ўзбекистон Халқ таълими вазири Шерзод Шерматов, Германиянинг Ўзбекистондаги элчихонаси вакили Кристофер Фукс, Германиянинг Тошкентдаги элчихонаси ва жамоатчилик вакиллари иштирок этди.Бугунги кунда Ўзбекистонда 1677 мактабда 355 мингдан зиёд ўқувчилар немис тилини ўрганмоқда. Ўрта таълим мактабларида уч минг нафар немис тили ўқитувчилари фаолият юритмоқда. Тўққизта мактабда немис тили чуқурлаштирган ҳолда ўқитилади.Бугунги кунда Ўзбекистон Халқ таълими вазирлиги Гёте Институтининг Тошкент филиали ва Германиянинг хориждаги мактаблари Марказий бошқармаси билан «Мактаблар: келажак ҳамкорлари» лойиҳаси доирасида умумий ўрта таълим мактабларида немис тилини ўқитишни ривожлантириш ва такомиллаштириш учун ҳамкорлик қилмоқда.Ҳозирги кунда Гёте институти олти мактабга немис тилини чуқур ўрганишда ёки уларни фан сифатида жорий этишда кўмак бермоқда.Германиянинг хориждаги мактаблари Марказий бошқармаси ва олти умумий ўрта таълим (Тошкент шаҳрида 60- ва 107-сонли, Самарқанд шаҳридаги 51-сонли, Бухоро шаҳридаги 4-сонли ва Марғилон шаҳридаги 6-сонли ва Фарғона шаҳридаги 10–сонли) мактаблар ўртасида ҳамкорлик алоқалари ўрнатилган.Ўзбекистон Халқ таълими вазири Шерзод Шерматовнинг маълум қилишича, Ўзбекистон Республикаси раҳбарияти ташаббуси билан Тошкент, Самарқанд ва Бухоро шаҳридаги немис тилини чуқурлаштирган ҳолда ўқитишга ихтисослашган умумтаълим мактабларига И.В.Гёте, Й.Шиллер и В.Фон Гумбольт номлари берилади.
Изоҳ (0)