— 4 йил Россия давлатида ишлаганман, — дейди арнасойлик Бобур Зулинов. — Ватандан олисда, ота-она ва яқинлар меҳр-эътиборидан узоқда яшаш қийин. Айниқса, кучга тўлган пайтимда ўз юртимда қизиққан соҳамда ишламасдан, ўзга юртда қора меҳнатда умрим ўтаётгани мени қийнаб келарди. Интернет сайтлари орқали Ўзбекистонда ёшларга яратилаётган имкониятлардан доим хабардор бўлиб турардим, бу ҳақда дўстларимдан ҳам эшитардим. 2018 йилда юртимизга қайтиб келдим. Болалигимдан мусиқага қизиқаман, бу соҳада маълум билим ва кўникмаларим ҳам бор. Шу боис ишлаб топган пулимга мусиқа ва овоз ёзиш жиҳозларининг бир қисмини сотиб олдим. Ҳозир туманимиздаги Мусиқа ва санъат мактабида мусиқа ва овоз ёзиш билан шуғулланаман. Жиҳознинг қолган қисми учун кредит олиш мақсадида Ёшлар иттифоқининг сайёр қабулига келдим. «Ёшлар – келажагимиз» жамғармаси орқали имтиёзли кредит олишим мумкинлигини айтиб, шу ернинг ўзида манзилли режага киритишди.
Россияда қора меҳнат қилиб юрган жиззахлик йигит муҳожирликдан кечиб ватанга қайтди. У ўз қишлоғида Ёшлар иттифоқи ёрдамида кредит олиб янги иш бошлади. Бу ҳақда ЎзА хабар бермоқда.
Изоҳ (0)