Ўзбекистон Республикаси Мудофаа вазири, генерал-майор Абдусалом Азизовнинг «Халқ сўзи-онлайн» нашрига билдиришича, ортда қолган 2018 йилда мамлакат мудофаа салоҳиятини ошириш, қўшинларнинг жанговар шайлигини юксалтириш, миллий армияни замонавий ҳарбий техника ва қурол-аслаҳалар билан таъминлаш борасида кенг қамровли ишлар йўлга қўйилди.
Хусусан, 2018 — 2021 йилларда қўшинларни замонавий қурол-яроғ билан таъминлаш ва ҳарбий техникаларни таъмирлаш, модернизация қилиш бўйича комплекс дастур доирасида ўтган йилда бир қатор муҳим тадбирлар амалга оширилди.
— Армияни илғор техника, қурол-аслаҳа билан таъминлаш, мавжуд техникани модернизация қилишда катта қадам ташланди, — дейди мудофаа вазири А. Азизов. — Ҳозирги замон ҳарбий можароларининг чуқур таҳлилидан келиб чиқиб, биринчи навбатда, ҳарбий ҳаво кучларини ривожлантириш, ҳаво ҳужумидан мудофаа тизимини мустаҳкамлаш, махсус операциялар кучларини энг янги техника ва аслаҳа билан таъминлаш чоралари кўрилди. Россия Федерацияси, Хитой, Франция ва бошқа бир қатор давлатлар билан ҳарбий-техникавий ҳамкорлик юқори даражада йўлга қўйилди.
Изоҳ (0)