Чингиз Айтматов номидаги халқаро Академия ёзувчи Аҳмаджон Мелибоевга академик унвонини берди

Қирғизистон Республикасида таъсис этилган Халқаро Чингиз Айтматов номидаги мукофот доирасида ўзбекистонлик Аҳмаджон Мелибоевга академик унвони берилди.

Қирғизистон пойтахти Бишкек шаҳрида фаолият юритаётган Чингиз Айтматов номидаги халқаро Академия ва улуғ адиб номидаги клуб ҳар тўрт йилда бир марта адабиёт, маданият ва илм-фан соҳасида юксак натижаларга эришган ижодкорларга ўз мукофотларини тақдим этади.

Бу йилги танлов натижаларига кўра, «Жаҳон адабиёти» журнали бош муҳаррири, «Чингиз Айтматов ва Ўзбекистон» доимий экспозицияси раҳбари Аҳмаджон Мелибоевга академик унвони берилди.

Аввалроқ Ўзбекистон халқ артисти Мирза Азизов адабиёт ва санъат йўналишида лауреатлик мукофоти билан тақдирлангани хабар берилган эди.