Америкалик миллиардер Том Стейер АҚШ президентлиги учун курашмайди, бунинг ўрнига у амалдаги президент Дональд Трампга нисбатан импичмент эълон қилинишига эришишга эътибор қаратади. Бу ҳақда «Газета.ru» хабар берди.
Том Стейернинг айтишича, у бутун вақтини, кучи ва ресурсларини Трампга нисбатан импичмент эълон қилиш ва уни ўз лавозимидан четлатиш бўйича ишга сарфлайди.
Миллиардернинг ваъда қилишича, бу ишлар учун у 40 миллион доллар миқдорида инвестиция ажратади. Миллиардер 2017 йилда ҳам Калифорния губернаторлиги ва АҚШ сенатига сайланиш ҳақида ўйлаганда бу ишни қилишга уринган, бироқ кейинчалик бу фикрдан бош тортган.
2017 йилда Стейер Трампга қарши кампанияни ҳақиқатда бошлаган ва Need to Impeach («Импичмент эълон қилиш керак») номли телерекламани тақдим этган. Рекламада миллиардер нима учун Трампни лавозимдан четлатиш кераклигини тушунтирган.
Изоҳ (0)