Америкалик фуқаро тушида кўрган рақами сабаб иккинчи бор жекпот ютиб олди

Мэриленд штатининг фуқароси Ричард Жойнер башоратли туши туфайли иккинчи марта жекпот лотореясида ғолиб бўлди. Бу ҳақда UPI хабар бермоқда.

Ричард Жойнер тўрт, саккиз, беш ва олти рақамларининг кетма-кетлигини тушида кўрган. Кейин эса бу рақам унинг миясига ўрнашиб қолган. Шунингдек, у армияда хизмат қилган пайтларида ҳам кўп ҳужжатларда ушбу рақамга дуч келганини эслади.

Жойнерга бу комбинация кўпинча виртуал пойгада ҳам унга ғалаба келтиришини сезиб қолди. У виртуал от пойгасида шу рақамдан фойдаланиб, 15 252 доллар (1 миллион рубль) жекпотни қўлга киритди, иккинчи марта ўйнаганида эса 39 697 доллар (2,6 миллион рубль) ютиб олди. Жойнер ўшанда ҳам ютуқ чиқадиган отларнинг рақамини тушида кўрган экан.

«Кўпинча тушимда ҳар хил рақамларни кўраман. Улар кўпинча қандайдир саналар, муҳим воқеалар ва спорт натижалари билан боғлиқ. Кейин шу рақамларни ишлатишга ҳаракат қиламан,» – дейди у.

Декабрь ойида ҳам уйқусизлик туфайли виртуал пойгада ғолиб бўлган америкалик аёл ҳақида хабар берилган эди. У узоқ вақт уйқусизликдан қийналган. Кейин эса ўйинда уйқуга кетишидан олдин охирги марта соат миллари кўрсатган вақтни эслаган. Бу рақамларнинг комбинацияси унга 13,323 доллар (тахминан 892 минг рубль) келтирган.