12—13 январь кунлари Самарқандда Ҳиндистон ташқи ишлар вазирлигининг Марказий Осиё давлатлари ва Афғонистон билан мулоқотининг биринчи учрашуви бўлиб ўтади, деб хабар бермоқда «ASIA-Plus».
Бундай шаклда биринчи марта ўтказилаётган учрашувда Ўзбекистон ТИВ раҳбари Абдулазиз Комилов ва Тожикистон, Қирғизистон, Қозоғистон, Туркманистон, Афғонистон ҳамда Ҳиндистон ташқи ишлар вазирлиги раҳбарлари иштирок этади.
Учрашувда давлатларнинг сиёсат, иқтисодиёт ва инвестициялар бўйича ҳамкорликни кенгайтириш масалалари муҳокама қилиниши режалаштирилмоқда.
Шунингдек, раҳбарлар Афғонистонда тинчлик ўрнатиш масаласига ҳам алоҳида эътибор қаратади.
«Бундай учрашувлар ҳар йили ўтказилиши режалаштирилмоқда» — дейилади хабарда.
Изоҳ (0)