Айни дамда ташриф билан Хитойда бўлиб турган Шимолий Корея раҳбари Ким Чен Ин Пекиндаги саноат объектларига ташриф буюрмоқда. Бу ҳақда «Interfax.ru» хабар берди.
Ким Чен Ин Хитой пойтахтининг иқтисодий-технологик ривожланиш ҳудудида жойлашган фармацевтика заводида бўлиб, унинг фаолияти билан танишган. Мазкур завод Хитой анъанавий тиббиётининг йирик ишлаб чиқарувчиси саналади.
Ким Чен Ин Хитойга 7 январь куни эрталаб тўрт кунлик ташриф билан жўнаб кетган. У Пекинга поезд билан 8 январь куни ташриф буюрган ва бир неча соатдан сўнг ХХР раиси Си Цзиньпин билан саммит ўтказган. Бир соатли учрашув тафсилотлари ҳозирча маълум эмас.
Ким Чен Ин Пекинга Си Цзиньпин таклифи билан ташриф буюрган бўлиб, унга рафиқаси Ли Соль Чжу ва ҳукумат вакиллари ҳамроҳлик қилмоқда.
Изоҳ (0)